Жангы жылгъа жангы фатарлада тюберикдиле

Жангы жылны аллында Чегем районда ёксюз эмда къарар адамлары болмагъан жыйырма тёрт  сабийге фатарла берилгендиле, деп билдиргендиле  муниципалитетни администрациясыны пресс-службасындан.
Ачхычланы бериу бла байламлы къуунчлы иш администрацияны юйюнде баргъанды. Анга  жарыкъландырыу, илму эмда жаш тёлюню ишлери жаны бла минстр Ауес Кумыков бла Чегем районну администрациясыны башчысы Артур Текушев да къатышхандыла. Ала, жашау журтла къоллу болгъанланы алгъышлагъанларындан сора, бирге фатарлагъа къарарагъа  баргъандыла.
Бир отоулуланы уллулукълары орта эсеп бла 34 квадрат метрге жетеди.  Аланы хар бирини кесини жылытхан системасы, газ плитасы эм сантехникасы да бардыла.