Ичер суу сылтаусуз жетерча

 Бюгюнлюкде Чегем  районда  арбазланы таза суу бла жалчытырча тийишли ишле  барадыла. Аны чеклеринде  быйыл Огъары Чегемде 3,2 километр чакълы ыз жангыртыллыкъды. Андан сора да, Каменкада Революционный, Шалушкада Мира эм Керефов атлы орамлада да  суу уллу басымы бла саркъгъан   быргъыланы алышырыкъдыла.    Чегем шахарда да быллай жумуш  Пшуноков, Карданов орамлада эки километрден асламда   этилликди. 

Саулай алып айтханда,  жангыртыу ишле 4 километр чакълы бирде тамамланырыкъдыла. 

Эсге сала айтсакъ, буруннгу жылдан бери «Таза суу» къырал программагъа кёре эм энчи иелиле берген ахчагъа токъсан километрде быргъыланы алышыргъа эм  суу жыйылгъан он объектни сюерге  онг табылгъанды