КъМР-ни Башчысы Казбек Коковну алгъышлауу

Бюгюн Ленин орденли, Къызыл Байракълы, Суворов эмда Богдан Хмельницкий атлы 503-чю гвардиялы мотострелковый Фастовский полк къуралгъан кюнюн белгилейди.

Кесини махтаулу тарых жолунда полкну энчи къаууму аны боюнуна салыннган къыйын эмда жууаплы аскер борчланы кесин аямай, уллу жигитлик этип толтуруп келеди. 503-чю полкну солдатларыны, сержантларыны, прапорщиклерини бла офицерлерини кёбюсю сыйлы къырал саугъала бла белгиленнгендиле. Бюгюнлюкде къуллукъ этгенле да, полкну алгъыннгы тёлюлерини махтаулу тёрелерин андан ары бардыра, Ата журтну къоруулау жаны бла сыйлы борчну бет жарыкълы толтурадыла, полкну байрагъыны сыйын бийикде тутадыла, дивизияларыны, 58-чи аскерни эмда Россейни Сауутланнган кючлерини аскер махтаулукъларын кючлейдиле. Аланы араларында уа бизни жерлешлерибиз, Шимал Кавказны къарындаш республикаларыны келечилери да кёпдюле.

    Мен полкну аскер башчыларын, саулай энчи къауумун да полкну къуралгъан кюню бла алгъышлайма! Сизге кийик саулукъ, ниет чыныгъыулукъ, аскер махтаулукъ эмда Хорлам теркирек келирин тежейме! Къабарты-Малкъар Республика уа не заманда да сизни биргегизгеди!