Беларусь бла сатыу-алыу байламлыкъла кючленедиле

«Россей» халкъла аралы кёрмючню майданында Беларусь Республиканы информация министри Владимир Перцов бла тюбешиу болгъанды. Анда Къабарты-Малкъар бла Беларусьну араларында информация технологияла жаны бла байламлыкъла жюрютюуню юсюнден соруулагъа къаралгъанды, деп билдириледи республиканы Башчысы Казбек Коковну телеграм каналында.    

 2021 жылны октябринде Къабарты-Малкъарны бла Беларусьну араларында сатыу-алыу- экономика, илму-техника эм социал-маданият жаны бла бирге ишлеуню юсюнден келишимге къол салыннган эди. Беларусь регионну сатыу-алыу -экономика жаны бла баш магъаналы партнёрларындан бириди, арада сатыу-алыу 75 процентге ёсгенди, Беларусьха сатыу 3 кереге кёп болгъанды, андан бизге уа – 38,6 процентге. Бюгюнлюкде да бу жаны бла иш бардырылады. 

 Эл мюлк товарланы чыгъаргъанла ары нартюх урлукъланы, татлы ашарыкъланы, гара эм аракъысы болмагъан сууланы, крахмалны жибередиле. Промышленный продукцияны Беларусьха Терекалмаз, Баксан-Автозапчасть, Нальчикни высоковольтный аппаратураны чыгъаргъан заводу жарашдырадыла. Андан а бизге мирзеу жыйгъан эм башха комбайнла, лифтле келтириледиле, деп айтылады билдириуде.