Жангылыкъла

 КъМР-ни Башчысы Казбек Коков Россей Федерацияны Регионланы айнытыу жаны бла правительстволу комиссиясыны штабыны жыйылыууна къатышханды. Кенгеш РФ-ни вице-премьери Марат Хуснуллинни башчылыгъы бла бардырылгъанды.

 РФ-ни Президентини СКФО-да толу эркинликли келечиси Юрий Чайка Къабарты-Малкъаргъа иш бла келген кезиде  «Радуга» реабилитация арада Донецк халкъ республикадан келген сабийлени жокълагъанды. КъМР-ни Башчысы Казбек Коков бла  бирге полпред гитче къонакъла къалай тургъанларына къарагъанды, «Радуганы» специалистлери бла да ушакъ этгенди. 

Бал батманла тутханлагъа заран салмаз ючюн, пестицидлени эмда агрохимикатланы сабанлада къалай хайырланыргъа кереклисин юсюнден Россельхозараны Къабарты-Малкъарда бёлюмюню специалистлери билдиргендиле.

Жол-транспорт болумну Европротоколну болушлугъу бла къалай  жарашдырыргъа боллукъду? Бизге  КъМР-де МВД-ны УГИБДД-сындан   ангылатханларыча, бу мадар авария бла байламлы документлени жарашдырыуну женгиллетиуге бурулупду.

Кёп болмай Чегем районну администрациясыны башчысы Юра Борсов бардырып  ишчи кенгеш болгъанды. Ол тамамланнган эм этилирге керек жумушлагъа  жораланнганды. 

 Бу кюнледе  Черек районну саулукъ сакълау  учреждениялары 2019-2021 жыллада  тамамлагъан ишлерини эсеплерин чыгъаргъандыла.

Быйыл Къабарты-Малкъарда «Къоркъуусуз эм качестволу автомобиль жолла»  миллет проектни чеклеринде 21  республикалы магъаналы жолну   жюз  километр чакълы бирине ремонт этилликди. Ол санда 134 метр чакълы бирде  беш кёпюрге.

Жууукъ заманда РФ-ни Къоруулау министерствосуну  «Уллу Ата журт урушда жоюлгъанланы атлары эсде къалырча тийишли  ишле бардырыуну» 2019−2024 жыллгъа жарашдырылгъан  программасына кёре,  Къабарты-Малкъарда   алты эсгертмени алларында ёмюрлюк от жанып турурча мадар этилликди.

«Лидер» араны къутхарыучулары Чирик кёлню теренлигин ёнчелегендиле, ала тохташдыргъанларыча, ол 292 метрди. Ары дери, 2016 жылда, Орус география обществону алимлери тинтиулерини кезиуюнде карст кёлню теренлиги 279 метрди деген эсеплеге келген эдиле.

МЧС-ни регионда Баш управлениясыны пресс-службасындан билдиргенлерине кёре, къутхарыучула-водолазла, энчи оборудованияны да хайырлана, 1-10-чу апрельде жарау халда орта эм уллу теренликлеге киргендиле.

КъМР-ни Башчысы Казбек Коков Роспотребнадзорну КъМР-де Управлениясыны таматасы  Жирослан Пагов бла ишчи тюбешиу бардыргъанды. Республиканы баш къырал санитар врачы регионну оноучусуна 2021 жылда санитар эпидемиология хал осалгъа кетмез эмда хайырланыучуланы эркинликлери сакъланыр ючюн не иш бардырылгъаныны юсюнден отчёт этгенди.