|
Все статьи
9 декабря, 2022 - 14:26
9 декабрьде Россейде Ата журтну жигитлерини кюнюн белгилейдиле. Ол сыйлы кюн 2007 жылда Федерал закон бла бек бийик къырал саугъала бла – Совет Союзну эмда Россей Федерацияны Жигитлери деген атла, Махтаулукъну эмда Сыйлы Георгийни орденлери бла белгиленнгенлеге къырал, жамауат да уллу хурмет этгенлерине шагъатлыкъгъа тохташдырылгъанды.
9 декабря, 2022 - 09:22
Сыйлы жамауат! 2023 жылны биринчи жарымына жазылыу кампания къыстау бардырылады.
8 декабря, 2022 - 18:45
Бир ненча жыл мындан алгъа чыгъарылгъан китаплада, журналлада, газетледе сейир затлагъа тюбеп къаласа. Аллай бир тарых магъаналы материалны озгъан ёмюрню сексенинчи жылларында профессор, тарых илмуланы доктору В.Б. Виноградов бла КъМР-ни Миллет музейинде ишлеген Деппуланы А.Б. жазгъандыла. «Эрттегили бохчаны хапары» деген иш бюгюннгю окъуучугъа да сейир кёрюнюрюгю сёзсюздю.
8 декабря, 2022 - 15:20
Хауа болум тюрленнгени бла байламлы къырал автоинспекторла водительлени сакъ болургъа, жолда жюрюуню жорукъларын сакъларгъа чакъырадыла.
8 декабря, 2022 - 13:35
Николай Самохвалов Къабарты-Малкъарны кёп жерлеринде жолоучулукъда болуп, аллай кезиуледе кёргенини бла эшитгенини юслеринден газетлеге, ол санда «Заманнга» да жазгъанлай тургъанды. Республиканы тарыхына да эс бургъанды. Артыкъда тау жерледе жолоучулукъларын бек жаратханларын, кёп сейир адамлагъа тюбегенлерин да ол сюйюп суратлагъанды жазмаларында. Аны аллай жолоучулукъларындан бирини юсюнден жазгъаны бла сизни да шагъырей этерге сюебиз. Ол таулу къойчуланы юслеринден къалай уллу жюрек жылыулукъ бла жазгъанын кесигиз да сезериксиз.
8 декабря, 2022 - 12:21
КъМР-ни Башчысы Казбек Коков ыйыкъ сайын бардырылыучу «муниципал сагъатны» кезиулю жыйылыуун ётдюргенди.
8 декабря, 2022 - 11:30
Белгисиз солдатны кюню — Россейде сыйлы кюнледен бириди. Ол 2014 жылдан бери 3 декабрьде жыл сайын белгиленеди, кеси да къыралыбызны эм андан тышында да къазауатлада жигитча сермеше жан берген совет эмда россейли аскерчилени хурметлерине тохташдырылгъанды.
8 декабря, 2022 - 11:09
Росгвардияны КъМР-де Управлениясыны лицензия-эркинлик бериу бёлюмю къырал жумушланы электрон амал бла толтурургъа онг болгъаныны юсюнден билдиреди.
8 декабря, 2022 - 09:30
Къыш сууукълагъа юйлени, объектлени да хазырлайдыла. Адамла кеслерине жылы кийимле аладыла, алай бирле уа «темир шуёхларыны» юслеринден унутуп къоядыла. Кюнлени бир кюнюнде жолда къалыргъа неда ремонтха къадар ахча къоратыргъа сюймей эсегиз а, алай этерге жарамайды.
8 декабря, 2022 - 09:05
Росгвардияны Звёздный элде аскер бёлюмюнде «Дунияда эм иги адамгъа» деген сабий сурат конкурсну эсеплери чыгъарылгъандыла. Конкурс Ананы кюнюне аталып, аскерчилени сабийлерини араларында бардырылгъан «Анама сюймеклик бла» акцияны чегинде ётгенди.
7 декабря, 2022 - 19:00
Минги тауну этегинде «Элбрус» спорт школ ачылгъанлы быйыл 15 жыл толгъанды. Ол бутийреде тау лыжала бла кюрешгенден тышында дагъыда грек-рим тутушууну бла боксну айнытырча онгла да болгъанына ахшы юлгюдю.
7 декабря, 2022 - 18:35
2023 жылда айлыкъны эм аз ёлчеми (МРОТ) 6,3 процентге ёсерикди. Ол жаны бла законну проектин Къырал Дума ючюнчю окъулууда къабыл кёргенди. Алай бла 2023 жылда 1 январьдан МРОТ 16 242 сом боллукъду. Бюгюнлюкде уа ол 15 279 сомгъа жетеди. Алай бла айлыкъны эм аз ёлчеми 6,3 процентге кёбейтиледи.
7 декабря, 2022 - 18:32
Россельхознадзорну Шимал Кавказда регионла аралы Управлениясы Прохладныйде хайырланыргъа жараулу болжалы чыкъгъан 975 килограмм тауукъ эт сатылгъанын тохташдыргъанды. Ведомстводан билдиргенлерине кёре «Меркурий» системада информацияны тинтгенде, ала ол этни «Мартин» КФХ сатып алгъанын кёргендиле. Бу мюлкге эсгертиу этилгенди, аны юсюнден тийишли ведомстволагъа да билдиргендиле.
7 декабря, 2022 - 17:17
Озгъан ыйыкъда Надым шахарда «Надымгазпром» организацияны биринчи директору В. Стрижовну хурметине тёрели бокс турнир ётгенди.
7 декабря, 2022 - 17:16
Россейни Сюд приставларыны КъМР-да управлениясыны келечилерини сабийлери Гитчелеге право жаны бла болушлукъ этиуню битеуроссей кюнюне аталгъан сурат конкурсда хорлагъандыла.
7 декабря, 2022 - 17:14
Къырал автоинспекцияны къуллукъчулары «Къоркъуусузлукъну бел бауу» акцияны эсеплерин чыгъаргъандыла. Ала бу жаны бла эки мингден аслам бузукълукъ этилгенин ачыкълагъандыла.
7 декабря, 2022 - 17:13
Тёреде болуучусуча, жангы жылгъы байрамланы аллында аш-суугъа багъала ёсериклерин айтадыла экономистле.
7 декабря, 2022 - 17:08
Бу кюнледе республикада иги да сууукъ болгъанды. Хауаны температурасы артыкъ энишге тюшмегенликге, мылылыкъ бла желле сууукълукъну бек сездиредиле. Кёп жерледе жолланы буз басханды, талай районлада электрокюч ызланы чыпынлары аугъандыла, чыбыкълары да юзюлюп тюшгендиле. Аны себепли «Россети Шимал Кавказ» компанияны регионда бёлюмю энчи халда ишге кёчюрюлгенди.
Страницы
|