|
Все статьи
16 декабря, 2022 - 13:00
Бюгюнлюкде Къабарты-Малкъарны агъач мюлкюнде ишлерин сюйген, сынамлары болгъан адамла къармашадыла. Биз аладан бири «Чегем лесничествону» баш агъашчысы Наршауланы Муслим бла учрежденияларыны юсюнден сёлешгенбиз.
16 декабря, 2022 - 12:31
Белгили тюрколог, Халкъла аралы тюрк академияны академиги, КъМР-ни илмусуну сыйлы ишчиси (1986 ж.), филология илмуланы доктору, профессор Гузеланы Магометни жашы Жамалны вузда окъуп башлагъынчы окъуна таныгъанма. Бизни школубузгъа КъмКъУ-ну малкъар бёлюмю жиберген ишлени тамамлап келгенимде, олимпиадалада да кёре тургъанма.
16 декабря, 2022 - 11:30
Адам жаратылгъандан бери да къушланы бир-бир тюрлюлери анга къуллукъ этип келедиле. Кеслери да (бала заманларында къолгъа тюшселе) иесине терк юйренедиле. Андан сора да, къудуретде тазалыкъны тутууда бек уллу магъаналары болгъан къанатлыладыла. Сёз ючюн, мыллыкчы къушла жугъуучу аурууладан ауруп неда башха сылтау бла ёлюп къалгъан, алай бла аурууну жайылыууна себеплик этерик мыллыкланы ашайдыла. Аны ючюн айтадыла ол къушлагъа табийгъатны санитарлары деп. Болсада къушланы асламысы ууакъ жаныуарчыкъланы (чычханладан башлап къоянлагъа дери) къырадыла.
16 декабря, 2022 - 09:05
Иги жазаргъа юйренирге боламыды? Ол «иги» деген сёзге да не магъана салабыз? Хау, газетге магъаналы материалла керекдиле. Журналист башхала айталмай тургъан кемчиликлени, къыйынлыкъланы юслеринден ачыкъ жазса, жамауат элгенирге, аны къой да, жашау мардаланы, юйреннген ызны да тюрлендирирге болады. Алай газет окъуучула материал къалай жазылгъанына да эс бурадыла. «Заман» газетни журналисти Мокъаланы – Трамланы Зухураны айтымны къурагъаны, малкъар тилни билгени энчиди.Аны тили жыргъа ушайды, макъамын эшитесе.
16 декабря, 2022 - 09:00
Россейни Президентини буйругъуна тийишлиликде 2022 жыл къыралыбызны халкъларыны маданият хазналарын сакълаугъа жораланнганды. Аны чегинде тамамланнган ишле халкъ чыгъармачылыкъны айнытыу, миллетлени энчиликлерин, культура эм тарых эсгертмелени къоруулау бла байламлыдыла. Бу борч Элбрус районда къалай толтурулгъаныны юсюнден ушагъыбызда культура управленияны башчысы Къабарты-Малкъарны Маданиятыны сыйлы къуллукъчусу Толгъурланы Жаннет айтханды.
16 декабря, 2022 - 08:10
Миллетибизни тарых жолуну юсюнден шагъатлыкъгъа тутарча шартладан бири халкъ жырладыла. Жырда аны къурамына жарашмагъан сёз, ариу къаланнган хунада жалгъан ташча, билинип къалады. Жыр миллетни къадарын – аны къууанчларын, жарсыуларын, хорламларын, махтауларын да болгъаныча сакълайды.
15 декабря, 2022 - 15:45
Жангы жыл жууукълаша келгени бла тюкенледе эм базарлада назы терекчиклени сатып башлагъандыла. Ол байрамны баш шартларындан бири болгъаны себепли, аны хар юйюрде да жасаргъа итинедиле. Алай назыны кертисими, огъесе жалгъанымы иги болур?
15 декабря, 2022 - 15:30
Федерал налог службаны Къабарты-Малкъарда управлениясы бюгюн (15 декабрьде) «Ачыкъ эшиклени кюнюн» бардырады. Ары келгенлеге Бирикген налог счётну юсюнден толу хапар айтыллыкъды. Ол жангы амалды, кеси да келир жылда хайырланылып башланырыкъды.
15 декабря, 2022 - 13:00
Республиканы Курортла эм туризм министерствосундан билдиргенлерине кёре, ски-пассланы жангыдан хайырланыргъа боллукъду.
15 декабря, 2022 - 11:33
Бюгюнлюкде жашларыбыз бла къызларыбыз республикабызда, андан тышында да вузларыбызда окъуй, жетишимли бола, кеслерини, миллетлерини атларын да махтау бла айтдыра келгенлери барыбызны да къууандырады, не букъдурлугъу барды, ёхтемлендирген да этеди. Бусагъатда ёсюп келгенле жашау алагъа берген онгланы хайырлана билгенлери да кёллендиреди. Нек дегенде къайсы халкъны да тамблагъы кюню, ышанмакълыгъы да – ол аны бюгюннгю жаш тёлюсюдю.
15 декабря, 2022 - 11:11
Белгилиди: бир юйюрде тёлюден-тёлюге бир ауруула къайтарыладыла. Аланы бек къоркъуулуларындан бири инсультду. Биз бу аурууну эм андан сакъланыр амалланы юслеринден Огъары Малкъарда больницаны баш врачы Чаналаны Аслижан бла ушакъ этгенбиз.
15 декабря, 2022 - 11:00
Сабийден ауурлукълары болуп, ал кезиуледен медицина учрежденияда эсепге тургъан тиширыулагъа ай сайын берилген пособие – файдалары аз юйюрлеге къыралны жанындан болушлукъну бир тюрлюсюдю.
15 декабря, 2022 - 10:48
Гижгит неда дагъыда анга Быллым кёл дейдиле. Ол Къабарты-Малкъарны жеринде орналыпды. Аны суууну бети башхалагъа ушамайды. Тёгерегин бийик къаяла къуршалапдыла. Аланы сыртларында уа тюрлю-тюрлю терекле, юлкюле, гюлле ёседиле. Гижгит кёл жашилдим бетлилиги бла республикада бек белгили жерледен бирине саналады. Сууну башыны узунлугъу 1 километрге дери жетеди, теренлиги уа-30 метрге. Тёгерегин сууда ёсген хансла алыпдыла.
15 декабря, 2022 - 10:42
Полицияны келечисине улутха берирге умут этген уголовный жууапха тартылгъанын эсгертеди КъМР-де Жолда жюрюуню къоркъуусузлугъу жаны бла къырал инспекциясы. Административ тазирден къутулургъа кюрешген полициячыгъа ахча береме деп, андан да уллу палахха тюшерге боллукъду.
15 декабря, 2022 - 10:25
Бобр дунияны башында бек сейирлик, акъыллы жаныуарладан бириди десек, ётюрюк айтырыкъ тюйюлбюз. Балаларын сют бла ёсдюрген кемириучю жаныуарды. Европаны, Азияны, Север Американы агъач ичлери бла саркъгъан череклени, кёллени жагъаларында колонияла болуп жашау этедиле. Къуйрукълары бла санасанг, узунлукълары метр чакълы бир болады. Ауурлукълары 30 килограммгъа дери жетгенлери да бардыла.
15 декабря, 2022 - 09:05
Адам улу жаратылгъанлы бери келе болур ырысхыны, байлыкъланы жер тюбюнде асырагъан тёре. Хау, шёндюгю дунияда аллай затла бла киши да кюреше болмаз, алай алгъын кезиуледе уа, бютюнда бурун заманлада, ол кенг жайылгъан иш болгъанды. Айтып айтмазча аллай къадар байлыкъланы букъдургъанладан эсе, ууакъ-тюек затларын асырагъанланы саны иги да кёп болур эди, баям. Бирлерин иш этип неда сунмай тургъанлай да табадыла, башхалары уа къайда болгъанлары энтта да белгисизди. Ма аллай айтхылы байлыкъланы юсюнденди бу хапар.
15 декабря, 2022 - 09:00
Кёп болмай Бахсан муниципал районда агропромышленный комплекс бла байламлы бёлюмню быйылгъа ишин эсеплегендиле.
15 декабря, 2022 - 08:10
Жыл башланнганлы Черек районну эл мюлклерини битеу тюрлюлери да танг кесек продукция чыгъаргъандыла. Аны юсюнден бизге муниципалитетни администрациясыны телеграмм-каналында айтылады.
Страницы
|