Жетишимли боксчуланы хазырлайдыла

Къабарты-Малкъарны боксдан олимпиада резервли спорт школу 1995 жылда ачылгъанды, андан бери ол тюрлю-тюрлю эришиуледе республиканы атын айтдыргъан, кючлю боксчуланы хазырлайдыла.

Аны баш борчу Къабарты-Малкъарны бла Россейни жыйымдыкъ командаларына кирирге жараулу бийик класслы боксчуланы юйретиргеди. Бу жумуш анда тынгылы тамамланнганын да чертирге тийишлиди, юлгюге къыралны жыйымдыкъ къауумуну санында школну 25 келечиси эришедиле.

Бусагъатда анда регионну битеу районларындан 735 адам юйренедиле. Спорт махкеме къуралгъанлы бери аны 113 спортчусу халкъла аралы эришиуледе хорлагъандыла, 47-си дунияны бла Европаны чемпионлары эм призёрлары болгъандыла, 410-су уа битеукъырал турнирледе алчыланы санына къошулгъандыла, деп билдиреди аны директору Мурат Султанов.