Къалайгъа да жетип болушурча

Бу кюнледе «Саулукъ сакълау» миллет проектге кёре Черек районда ГАЗельни мурдорунда биринчи жеринден тепдирилирге жарагъан фельдшер-акушер пункт (ФАП) ишлеп башлагъанды.

Аны диспансеризация ётдюрюрча, биринчи медицина-санитар болушлукъ тапдырырча оборудованиясы да барды. Ол санда кардиограмма, дефибриллятор аппаратлары, гинекология шинтиги, дарманланы асырагъан холодильниги эм башха затлары да. КъМР-ни Саулукъ сакълау министерствосу аны узакъ тау элледе саусузлагъа, абаданлагъа эм сакъатлагъа тийишли халда эс бурулурча алгъанды. Бусагъатда адрес халда ол жетмеген жер жокъду. Кёбюсюнде ыйыкъгъа юч кере бек узакъ эллеге барыргъа тюшеди.  

Эсге сала айтсакъ, быйыл жаз башында «Биринчи медицина болушлукъ тапдырыу махкемелени жангыртыу» программаны чеклеринде быллай тогъуз энчи улоу алыннганды.