Мелиорацияны айнытыу – къыйматлы проектледен бири

Кёп болмай РФ-ни Эл мюлк министерствосуну мелиорация жаны бла департаментини таматасы Максим Боровой бардырып  кенгеш болгъанды. Ол  келир жыл мелиорация жаны бла проектлеге субсидия бериуге жораланнганды. Анга  КъМР-ни эл мюлк министри Хасан Сижажев  да къатышханды.

Эсге сала айтсакъ, мелиорацияны айнытыу «Агропромышленный комплексни продукциясыны экспорту» регион эм  «Халкъла аралы  кооперация эм экспорт»  миллет проектлеге  кёре бардырылады.

Къабарты-Малкъарда мелиоратив системаланы айнытыу бла байламлы танг кесек иш этиледи. Ол санда мюлкледе  жауун халда  сугъаргъан 39 машина ишлейди. Аны хайыры бла   4,2 минг гектарда битимлени суу бла тынгылы  жалчытырча мадар этилгенди.

Бюгюнлюкде да мелиорация жаны бла проектге къатышыргъа сюйгенле Эл мюлк министерствогъа тийишли доукентлени бераллыкъдыла.  Анга комиссия къарагъандан сора РФ-ни Эл мюлк министерствосуна жиберилликди. 

Кенгешни арт заманда   мелиорацияны айный баргъаныны себеплиги бла   битимлени бар тюрлюсюнден да бай  тирлик алыргъа онг табылгъаны да белгиленнгенди.