Доттуланы Ахматны хурметине жоралап

Тырныауузну «Геолог» спорт арасында, дунияны континентле аралы чемпиону Доттуланы Ахматны хурметине аталып, «Россейни жашлыгъы» обществону саугъаларына боксдан тёрели эришиу бардырылгъанды.

Майдалла эм саугъала ючюн къыралны 12 регионундан 80-нге жууукъ гёжеф сермешгендиле. Эсепге кёре, республикабызны спортчулары эки майдал къытхандыла. 67 килограмм ауурлукъ къауумда Макытланы Хасан, Чеченден Ислам Музаевден кючлю болуп, «алтынны» алгъанды. 92 килограмм ауурлукъ къауумда «доммакъны» Элбайланы Алим къытханды. Боксчуланы тренерле Гергъокъланы Ахмат бла Элбайланы Владимир юйретедиле.