Уулу чулгъам

РФ-ни МВД-ны Нальчикде Управлениясыны наркотиклени сатыу-алыугъа контроль этиу жаны бла къуллукъчулары 21 мартда оператив излеу ишлени кезиуюнде Профсоюзная орамда 27-жыллыкъ жашны тутхандыла. Аны биргесине болгъан сумканы тинтген кезиуде уулу веществолары бла 90 чулгъам тапхандыла.

Этилген экспертизаны эсеплерине кёре, сыйырылгъан вещество 81,04 грамм чакълы наркотик эди.

Жаш кеси ангылатханнга кёре, наркотиклени  интернет бла хайырланып, андан ары букъдуруп жаяр умут бла алгъанды.

МВД-ны КъМР-де Следствие бёлюмю аманлыкъчыгъа РФ-ни УК-сыны 228.1 статьясыны 4-чю кесегине тийишлиликде (Интернет бла хайырланып уллу ёлчемде наркотиклени сатар мурат) терслеу иш ачханды.

Шёндю аманлыкъчыны эркинлиги сыйырылыпды, деп билдиредиле МВД-ны КъМР-да пресс-службасындан.