Усталыкъларын ёсдюрген эришиуле

«Спорт наркотиклеге къажауду» деген чакъырыу бла Баксаненокда женгил атлетикадан тёрели регионла аралы эришиуле бардырылгъандыла. Ала Амир, Виталий, Марат Гетоковланы, Тимур Мамиковну хурметлерине къуралгъандыла.

Эришиулеге Къабарты-Малкъарны Спорт министерствосуну олимпиада резервли спорт школунда, Прохладнада Олимпиада чемпиону Мария Ласицкенени атын жюрютген спорт школунда, Майскийни, пятигорскну, Ставрополь крайны спорт школларында жарау этген атлетле къатышхандыла. Ала копьену бла дискни атыуда сынашхандыла. Бизни республикадан алчы жерлеге Улбашланы Милена, Хазрет Наурузов, Залина Шакова, Никита Ляшко, Ангелина Цилюрик эм башхала чыкъгъандыла.