Даражалы институтха кирирге онг тапханды

11 апреля, 2023 - 17:10

Алгъаракълада билдиргенибизча, Нальчикни 14-чю гимназиясыны эм Экинчи Чегемни 2-чи орта школуну 11 классларыны окъуучулары Кучукланы Марат бла Дана Алакаева «Умницы и умники КБР» теле-олимпиаданы регион кесегинде хорлап, финалгъа чыкъгъан эдиле.

Кёп болмай а жерлешлерибиз онеки финалистни санында битеуроссей гуманитар теле-олимпиаданы 31-чи сезонуна къатышхандыла.  Конкурсну кезиуюнде Кучукланы Марат хорламгъа тийишли болгъанды эм Москваны халкъла аралы байламлыкъла жаны бла къырал институтуну (МГИМО) экзаменлесиз кирирге онг тапханды. Аны ючюн жаланда Бир къырал экзаменледе 75 баллдан аз алмазгъа кюреширге керекди. Хунерли жашны окъургъа алырча буйрукъну вузну ректору Анатолий Торкунов   студия да окъуна къол салгъанды.

Дана Алакаева уа теле-олимпиаданы призёру болгъанды. Анга да сагъынылгъан институтха льгота халда кирирча онг берилликди.   

Бизни корр.
  • 48 просмотров
Поделиться: