Жыйымдыкъ команда къуралгъанды

Нальчикде зендокай будо ММА каратеден ЮФО-ну бла СКФО-ну бирикдирилген чемпионатлары бла биринчиликлери бардырылгъанды. Алада хорлагъанлагъа къырал даражалы эришиулеге къатышыргъа эркинлик берилгени ючюн сермешлеге аслам спортчу къатышхандыла.

Бизни республиканы атындан аскер искусстволаны «Барс-Тырныауз» академиясыны келечилери эришгендиле, ала сегиз майдал да алгъандыла. Эм иги кёрюмдюню Жолабланы Сафия болдургъанды – ол 12-13-жыллыкъ къызчыкъланы араларында алтын майдалны къытханды. «Кюмюшле» къоллу Габоланы Дамир, Алибек Сижажев бла Тамерлан Готыжев болгъандыла. Ючюнчю жерлеге Тенгиз Мугуев, Дауд бла Даулет Альботовла, Ибрагим Готыжев чыкъгъандыла.

Каратени WSKF эм  зендокай будо тюрлюлеринден федерацияны келечилери Этезланы Вадим бла Мурат Думанишев академиядан беш спортчуну – Жолабланы Сафияны, Ибрагим Готыжевни, Алихан Мустафаевни, Селяланы Исламны бла Абдуллах Нуралиевни – республиканы жыйымдыкъ командасына къошхандыла. Ала энди апрельде Россейни биринчилигинде бла чемпионатында сермеширикдиле. Анда тийишлисича эришир ючюн, спортчула бусагъатда къыстау жарау этедиле.