«Спартак-Нальчик» - сегизинчи тизгинде

Росейни футболдан биринчилигини 22-чи турунда «Спартак-Нальчик» Дондагъы Ростовда жер-жерли команда бла о       йнагъанды.

Матчны нальчикчиле тири башлагъандыла, пенальти алыргъа да жетишгендиле, алай Хачиров бу онгну тийишлисича хайырланалмагъанды. Болсада, кёпге создурмай, Топурия ол кемчиликни тюзетгенди – алай бла биринчи гол урулгъанды. Ростовчула да, сакъланнганыча, эсепни терк тенг этерге кюрешгендиле, алай къабакъларыбыз тынгылы къорууланнгандыла.

Экинчи таймда да спартакчыла чабыуулларын къоймагъандыла, голла урургъа талай амал чыкъгъанды, болсада футболчула аланы ычхындыргъандыла. Алай бир кесекден Хачиров, биринчи таймдача жаздырмай, Торосяндан келген топну къаршчы команданы къабакъларына кийиргенди. Алай бла матч 2:0 эсеп бла нальчикчилени хорламлары бла бошалгъанды.

Бусагъатда командабыз турнир таблицада сегизинчи тизгиндеди, аны эм иги алты къауумну санына къошулургъа битеу онглары барды.