Киокусинкайда – эм кючлюлени къауумунда

Пятигорскда каратени киокусинкай тюрлюсюнден жашланы бла къызланы араларында Ставрополь крайны биринчилиги бардырылгъанды. Анга Къабарты-Малкъардан, Къарачай-Черкесден, Невинномыскдан, Кисловодскдан, Ставропольдан, Пятигорскдан, Ессентукиден бла Краснодардан 300 спортчу къатышхандыла.

Къабарты-Малкъадан анда 38 каратечи сермешгендиле. Кеслерини ауурлукъ къауумларында Жабелланы Хусей, Жолаланы Ангелина, Сабанчыланы Элдар, Артур Жигатов эм башхала хорлагъандыла. Кюмюш эм доммакъ майдалланы Жабелланы Амин, Жаникаланы Арсен, Шуаланы Айдин эм талай башха спортчу къытхандыла.