Министр Черек районну жокъларыкъды

КъМР-ни саулукъ сакълау министири Рустам Калибатов бу  айны онусунда  ишчи жолучулугъуну чеклеринде  коллегалары бла Черек районну ара больницасыны поликлиникасында  приём  бардырлыкъды.  Консультация 11:00 сагъатда башланырыкъды. 

Бу жол приём бардырыугъа саулукъ сакълау министр Рустам Калибатов бла бирге  штатда болмагъан баш  специалист-эндокринолог  Инна Шихалиева, кардиолог  Мурат Агиров, онколог-маммолог Марина Гендугова эм ортопед-травматолог Алим Макоев  къатышырыкъдыла.  

Алгъаракъда поликлиникагъа «Саулукъ сакълауну биринчи медицина болушлукъ тапдыргъан учрежденияларын игилендириу» къырал программа кёре, тынгылы ремонт этилгенди. Ол себепден Рустам Михайлович саулукъ сакълау  учрежденияны иши бла шагъырейленирикди   эм  персонал бла да тюбеширикди.

Эсге сала айтсакъ, ишчи жолоучулугъуну чеклеринде  министр  районланы барында да боллукъду.