Къутхарыучула усталыкъларын кёргюзтюрюкдюле

Бюгюн Нальчикге СКФО-ну авария – къутхарыу ишлени бардыргъан бек кючлю командалары жыйылгъандыла. Ала «Автомобиль транспортда авария-къутхарыу ишлени бардырыуда бек кючлю командасы» деген регион эришиуде кеслерини хунерлерин ачыкъларыкъдыла.

Алай бла Абхазияны майданында Шимал Кавказ федерал округну 13 регионундан къутхарыучуларын кёрюрге боллукъду. Жашла дагъыда биринчи болушлукъ тапдырыу жаны бла мастер-классла да кёргюзтюрюкдюле. Дагъыда къырал автоинспекторла да жолда къоркъуусузлукъну жорукълары бла байламлы тестле да бардырлыкъдыла.

Андан тышында да шёндюгюлю от ёчюлтюу-къутхарыучу техниканы да кёрмючю къураллыкъды. РФ-ни МЧС-ни КъМР-да Баш управлениясы уа халкъны аскер как бла сыйларыкъды, деп билдиредиле ведомствону пресс-службасындан.

Эришиуле тамбла андан ары бардырыллыкъдыла.