Байрамгъа аталып – эришиуле

Тырныауузну «Геолог» спорт арасында, Малкъар халыкъны жангырыу кюнюне аталып, грек-рим тутушуудан эришиу къуралгъанды. Анга бизни республикадан, Шимал Осетия-Аланиядан, Ставрополь крайдан 2010-2011 гёжефле къатышхандыла. Хорлагъан спортчула Элбрус районну Физкультура эм спорт комитетини грамоталары эм майдаллары бла саугъаланнгандыла, аланы аш-азыкъ бла сыйлагъандыла.

Сора, шахарны «Тотур» стадионунда, байрамгъа жораланып, ветеран командаланы араларында футболдан матчла ётгендиле. Финалда «Нальчик», къауум Тырныауузну «Элбрусун» 4:2 эсеп бла хорлап, биринчи жерге чыкъгъанды.

Алай бла «Нальчик» - биринчи, «Элбрус» - экинчи, Георгиевскден «Ника» уа – ючюнчю жерлени алгъандыла. Алагъа грамотала бла саугъала берилгендиле.