Къан бергендиле

Росгвадияны Къабарты-Малкъарда управлениясыны къуллукъчулары, «Жюрекден жюрекге» акциягъа къатышып, регионда донор къан бла банкны 10 литрге байыкъдыргъандыла. 

Къан алыу станцияны тамата врачыны орунбасары Ёзденланы Дина белгилегенича, Росгвардияны жер-жерли управлениясы бла медицина учреждение къысха байламлыкъ жюрютедиле. Полициячыла, кёп кере болушлукъгъа келип, саусузлагъа къан бергендиле. Энчи состав ведомство, регион эм битеукъырал донор акциялагъа къатышмай къалмайды. Медикле да алагъа быллай эс буруп, къайгъырып тургъанлары ючюн ыразылыкъларын билдиргендиле, бу шуёхлукъ артта да юзюлмезине ышаннганларын айтхандыла, деп билдиредиле Росгвардияны КъМР-де пресс-службасындан.