Электрокюч бла жалчытыу иги болурча«Россети Шимал Кавказ» компанияны бёлюмю – «Каббалкэнерго» быйыл «Нарткъала» подстанциягъа ремонт этерикди. Аны кючю 110 кВ болады, жангыртыу ишлеге 6,3 къоратыргъа дейдиле. Аны хайырындан электрокюч бла жалчытыу иги болгъанын отуз минг чакълы абонент сезерикди, 30 социал учрежденияны да аны бла жалчытыу ышаннгылы боллукъду, дегендиле бёлюмню пресс-службасында. Ремонт ишлени чеклеринде специалистле токну ёчюлтюучю эски приборланы жангы тюрлюлерине алышырыкъдыла. Ол затла бек тынгылыдыла, бузулмай, кеслери да таууш этмей иги кесек заманны ишлейдиле. Дагъыда от тюшсе – кюймейдиле, экологиягъа хата салмайдыла. Аланы орнатхан, хайырланнган да женгилди. Къоруулаучу оборудованияны да микропроцессор тюрлюсюне алышырыкъдыла. Объектде хар нени да тамам этгенден сора, специалистле анда кезиулю жумушлагъа къарарыкъдыла, тёгерегинде ёсген юлкюлени да къырып кетерликдиле.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|