Курсантлагъа – энчи онгла

15 февраля, 2023 - 10:29

Къабарты-Малкъарда Росгвардияны управлениясыны майору Аслан Тубаев, Нальчикде 23-чю номерли орта школну окъуучулары  бла ушакъ бардырып, ведомствону вузларына къалай бла кирирге боллугъуну юсюнден айтханды.

Росгвардиячы жаш тёлюге абитуриентледе къаллай ышанла болургъа кереклисин ангылатханды. Билим алыуну энчилигин, курсантла къайда жашагъанларын эм ала къаллай социал льготалагъа тийишли болгъанларын да билдиргенди.

- Росгвардияны институтлары жаш адамлагъа андан ары бардырыллыкъ къуллукъларына уллу себеплик этедиле. Беш жылдан сора ала лейтенант чынны аладыла, - деп чертгенди майор Тубаев.

Ахырында сейир ушакъ бардыргъаны ючюн окъуучула офицерге ыразылыкъларын билдиргендиле.

Холамханланы Алима.
  • 6 просмотров
Поделиться: