Бахсанда уллу кёпюр ишлер мурат барды

Бахсан шахарда узунлугъу 220 метрге жетген аллай уллу кёпюр ишлерге дейдиле. Ол  Конечная орамны  Дыгулубгейни ичи  бла баргъан республикалы трассагъа къошарыкъды, деп билдиргендиле  администрациядан.
Бу проектни хайыры бла муниципалитетни ичинде талай орамда транспорт бла байламлы болум игиленирикди, Прохладный жанындан келген машиналагъа да федерал трассагъа чыгъаргъа женгилирек боллукъду. 

Сагъынылгъан орамладан биринде (Катханов) аслам   промышленность предприятияла орналадыла. Аладан къурулуш материалланы ташыу да къыстау  барады. Аланы къатында кир-кипчикни айырып жарашдырыучу завод да сюеледи. Шёндю ары быллай затланы Бахсан райондан эмда Элбрус районну бир кесегинден ташыйдыла. Талай замандан а Зольск районда жыйылгъан кир-кипчикни да ары элтирикдиле.  
Ма ол себепден энди ишленирик кёпюр ол тийреледе транспорт болумну игилендирликди, жолланы да тозураудан сакъларыкъды деп ышаныу барды. Шёндю проект КъМР-ни Башчысыны къуллугъун болжаллы халда толтургъанда сюзюудеди.