Къыйын болумда ким да болушлукъ эте билирге керекдиЧерек районну Маданият юйюнде МЧС-ни жер-жерли бёлюмюню келечилери от тюшюуге къажау-къутхарыу службаны ишчилери бла бирге къоркъуусузлукъну жалчытыу жаны бла юйретиу ишле бардыргъандыла. Ала учрежденияны келечилерине от тюшюуге къоркъуусузлукъну жалчытыуну жорукъларын ангылатхандыла, къуллукъчулагъа бу жаны бла бузукълукъла эсепленселе жууаплылыкъгъа тартылыргъа боллукъларын эсгертгендиле, эвакуация жолланы тап халда тутаргъа кереклисин айтхандыла. Ахырында уа жарау халда эвакуация бардырылгъанды. Черек районда надзор эм профилактика ишни тамамлау жаны бла бёлюмню келечиси Къазакъланы Адам белгилегенича, быллай тюбешиулени борчу маданият объектни от тюшюуден къоркъуусузлукъну сакълауду. «Учрежденияны хар ишчиси къоркъуусузлукъну жалчытыуну жорукъларын, отну ёчюлтген приборланы хайырлана, къыйын болумда эвакуацияны бардыра билирге тийишлиди», - дегенди ол.
Поделиться:
Читать также:
03.05.2024 - 11:00 →
Черек жагъала таза болурча
03.05.2024 - 10:50 →
Халкъ бла байламлы жумушха уллу кёллю болмайыкъ
02.05.2024 - 09:03 →
Газет тарыхны сакъларгъа себеплик этеди
26.04.2024 - 09:55 →
Газет -заманны кюзгюсюдю
26.04.2024 - 09:05 →
Бахчаларында - кезиулю ишле
|