Наркотикледен кеф болупЭлбрус районну полициячылары, наркотикледен кеф болуп, ол халда рульгъа олтургъан водительни тутхандыла. Тырныаууз шахарда Элбрус районда ДПС-ны инспекторлары «Ваз 211440» машинаны тохтатхандыла. Полициячыла аны иесини халына эс бургъандыла. Тинтиуле Терскъол элде жашагъан 30-жыллыкъ эр киши наркотикле хайырланнганын кёргюзтгендиле. Ол ары дери да кеф болуп машинаны жюрюте тургъаны ючюн административ жууаплылыкъгъа тартылгъаны да тохташдырылгъанды. МВД-ны Элбрус районда бёлюмю эр кишиге РФ-ни законодательствосуна кёре 264.1-чи статьясыны 1-чи кесеги бла (Алгъаракълада да административ жууаплылыкъгъа тартылгъан неда сюд этилип, сора жангыдан кеф болуп машинаны жюрютюу) уголовный иш ачханды. Машинаны штраф стоянкагъа салгъандыла, деп билдиредиле МВД-ны пресс -службасындан.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|