Жигитлени атлары унутулмагъанды Россейни Жигитлерини кюнюне жораланып, КъМР-де Ич ишле министерствода хурметлеу жумушла бардырылгъандыла. Право низамны сакълаучула Россей Федерацияны Жигитлери Анатолий Горшковну бла Анатолий Кяровну эсгериу къангаларына гюлле салгъандыла. Туугъан республиканы мамыр жашауу ючюн жанларын берген батырлагъа баш урургъа ич ишле министр полицияны генерал-лейтенанты Василий Павлов, ич ишле органланы ветеранларыны регион биригиулерини тамаматсы Муаед Пихов, ведомствону бёлюмлерини таматалары да келгендиле. Жыйылгъанла Ата журтубузну жигит къоруулаучуларыны хурметине бир минут шумсуз тургъандыла эмда эсгериу къангалагъа гюлле салгъандыла.
Анатолий Кяровну урунуу жолу эл школну устазындан башланнганды, ол КъМР-де МВД-ны къуралгъан аманлыкъчы къауумлагъа къажау управлениясыны таматасына дери ёсгенди. 2008 жылда 12 январьда Нальчикде милицияны полковнигине сауутланнган аманлыкъчыла чабыууллукъ къурагъандыла. Атышыуну кезиуюнде Анатолий Кяров ауур жарала алып ауушханды. Россейни Президентини Указы бла Анатолий Горшковха бла Анатолий Кяровха Россей Федерацияны Жигити деген сыйлы ат берилгенди.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
| ||
Анатолий Горшков 1946-1948 жыллада Къабарты ССР-ни ич ишле наркоматына таматалыкъ этгенди, ич ишлерини биринчи министри болгъанды.