Кърымдан – майдалла бла

Симферопольда каратеден талай эришиу бардырылгъанды – «Олимпиада ышаныула» турнир эм шахарны биринчилиги бла чемпионаты. Алагъа къатышханланы араларында Элбрус районну олимпиада резервли спорт школуну келечилери да болгъандыла.

Олимпиада ышаныулада» спортчуларыбыз беш майдал къытхандыла. Кеслерини жыл сан эм ауурлукъ къауумларында алтын майдалланы Гежаланы Лейля, Мария Шмакова, Лиана Хатчукова, Ислам Юнусов алгъандыла. Эльмира Кязимова экинчи болгъанды.

Биринчиликде къызлада Жанна Жанова хорлагъанды, Дайана Жемухова экинчи жерге чыкъгъанды. Жашлада алтын майдалланы Къурманланы Каншао-Бий бла Керим Алихаджиев къытхандыла, «кюмюшню» Артур Карданов алгъанды. Абаданланы араларында биринчи жер бла Тамирлан Мухин къууандыргъанды, Тенгиз Калдани экинчи болгъанды.

Симферопольда дагъыда каратеден матч тюбешиу да ётгенди, анда Къабарты-Малкъарны командасы - Тенгиз Калдани, Тамирлан Мухин бла Керим Алихаджиев москвачыланы хорлагъандыла.

Спортчуланы тренерле Руслан Нахушев, Евгений Могилевец, Владимир Юнусов юйретедиле.