Ууну бизни инсанлагъа сатар муратлы эдилеНаркотиклени законсуз сатыу-алыу бла байламлы аманлыкълагъа къажау жумушланы кезиуюнде РФ-ни ФСБ-сыны КъМР-де Управлениясыны къуллукъчулары, Ич ишле министерствону келечилери бла бирге орта азиялы республикаладан бирини эки инсаныны аманлыкъчы ишлерин тохтатхандыла. Тыш къыраллыланы тинтген кезиуде 194 чулгъам табылгъанды. Аланы ичинде «героин» наркотик болгъаны ачыкъланнганды, аланы битеулю ауурлугъу 180 граммды. Энтта «метадон» уу да бар эди биргелерине – 24 грамм. Ууну республикада сатаргъа муратлы эдиле бузукъчула. Бузукъчулагъа РФ-ни УК-сыны 30-чу статьясыны 3-чю кесегине, 228.1-чи статьясыны 4-чю кесегини «г» пунктуна кёре терслеу материалла ачылгъандыла. Законнга кёре, быллай аманлыкъ этгенни эркинлиги 20 жылгъа дери сыйырылыргъа боллукъду, деп билдиргендиле бизге УФСБ-дан.
Поделиться:
Читать также:
19.05.2024 - 18:24 →
Аманлыкъчы ишлерин тыйгъандыла
17.05.2024 - 13:13 →
Ахча алыргъа умуту юзюлгенди
11.05.2024 - 18:28 →
Улутха алыргъа излегенди
06.05.2024 - 13:24 →
Терроризмни башын жулургъа кюрешип
06.05.2024 - 13:24 →
Эркинликлери болмай тохтагъандыла ишге
|