Гёжефлерибизни барысында да - майдалла

Анапада "Содружество - 2019 " деген ат бла спортну асламлы тюрлюлерини фестивалы бардырылгъанды. Аны аскер къол тюйюш кесегин "Бабугент" спорт клубубуздан 9 адам сермешгенди. Ала, усталыкъларын, хорламгъа итиниулюклерин да толу ачыкълап, барысы да майдалла къытхандыла.

Кеслерини ауурлукъ къауумларында Улбашланы Артур, Тогъузаланы Таулан, Къазийланы Рамазан, Бёзюланы Мурат хорлагъандыла. Азаматланы Тигран, Улбашланы Арсен, Сараккуланы Сафар, Герийланы Абдул-Керим – экинчи, Каркаланы Омар ючюнчю жерлени алгъандыла. Жашланы тренер Герийланы Хусей юйретеди.