Энди къыралны чемпионатына къатышырыкъдыла

Республиканы Спорт министерствосу билдиргенине кёре, бу кюнледе Ярославль шахарда  грек-рим тутушуудан Ярославль областьны ФСБ-ни управлениясыны терроризмге къажау оператив къауумну командири Владимир Лататуевни атына жораланнган тёрели битеуроссей эришиуле ётгендиле. Владимир 16 апрельде 2000 жылда Шимал Кавказда баргъан спецоперацияладан биринде ауушханды. Ары Россейни жыйырма тогъуз регионундан 300-ге жууукъ спортчу къатышхандыла.

Къабарты-Малкъардан анда кесини ауурлукъ категориясында Улбашланы Адам (55 кг) алтын алгъанды.

Кюмюш майдалгъа уа Астемир Бижоев (67 кг) тийишли болгъанды.

Бу эришиулени эсеплерине кёре хар ауурлукъ къауумда хорлагъан гёжеф 2023-чю жылда бардырыллыкъ къыралны чемпионатына къатышырыкъды.