Хыйлачыланы тохтатыр амалла

 Федерал законлагъа хазырланннган тюзетиуле хыйлачыланы аманлыкъ ишлерин тохтатыугъа бурулупдула.  Ала урлагъан ахчаны женгил алмазча мадарла  кийириледиле. Ол жаны бла законну проектин Къырал Думаны депутатлары биринчи окъулууда къабыл кёргендиле.

«Аманлыкъчыла инсанланы алдап, аланы банк карталарындан ахчаны урлагъанларын тохтатыргъа керекди, – деп чертгеди Думаны башчысы Вячеслав Володин. – Быйылны аллындан бери бу жаны бла 72 мингден аслам аманлыкъ этилгенди.  Хыйлачыла инсанларыбызгъа сёлешип, банкны келечисиме, неда следовательме деп адап, ахчаларын урлайдыла». 

 Законну проектине тийишлиликде, Россейни банкыны бла РФ-ни МВД-сыны араларында информация бла алышыныу жаны бла система къуралады.  Ич ишле органланы келечилери Россейни Ара банкына инсанны ыразылыгъы болмай, аны ахчасын башха картагъа ётдюрюрге кюрешгенлени юслеринден билдирликди. Банк а право низамны сакълаучулагъа законсуз операцияла бардырылгъаныны юслеринден билдиргенлей турлукъду.

Битеу бу мадарла аманлыкъны юсюнден белгили болгъанлай, излеу-тинтиу жумушланы мычымай башларгъа онг берликдиле. Бюгюнлюкде уа банкла МВД-ны   билдириулерине  жууаплы 30 кюнню ичинде бередиле.