Газ бла байламлы сорууланы тамамларча

Нальчикде «Газпром межрегионгаз» биригиуню кёк отлукъ бла байламлы соруулагъа къарагъан  бир арасы ачылгъанды. Ол кюн Кахун элни   микрорайонунда  жангы  газ ызгъа жашау журтланы да  къошуп башлагъандыла.   

Арада бюгюннгю излемлеге келишген корпоратив ёлчемле, бийик технологияла эм «бир терезе» амал хайырланыллыкъды.  Мында республиканы инсанлары газ ызгъа къошулурча, техника документацияларын жарашдырырча,  ремонт этерча, оборудованияларын  алышырча жумушланы, хайырланылгъан кёк отлукъ ючюн тёлеулени эм башха ишлени да тамамлаяллыкъдыла.  

 «Газпром межрегионгаз»   биригиуню офисинде «къызыу ыз» да  ишлейди.  Бир тюрлю сорууу болгъан неда эсгертиу керекли  ары бу телефон номерге сёлеширге боллукъду: 8-800-100-09-04.