Урлукъчулукъда бла селекцияда сынамны хайырланыр умутда

КБНЦ-ны Эл мюлк институтуну Терк районда илму-производстволу участкасында «Сабанны кюню 2022 ж. Жазлыкъ битимлени (нартюх, чёплеу, соя) импортну алышындырыу халда ёсдюрюуню энчиликлери» деген ат бла семинар-кенгеш ётгенди бу кюнледе. Аны КъМР-ни Эл мюлк министерствосу, сагъынылгъан институт, нартюхню бла чёплеуню урлукъларын чыгъарыучуланы Миллет ассоциациясы бардыргъандыла.

«Россельхозараны» бизни республикада бёлюмюню башчысы Куржиев Хасанбий «Къабарты-Малкъарда эл мюлк битимлени урлукъчулугъун эмда селекциясын айнытыу» деген презентациясын кёргюзтгенди. Ызы бла семинаргъа къатышханла сынам халда къуралгъан сабанлагъа къарагъандыла, кёрмючде кёрген затларына (биопрепаратла, семиртгичле, энтомофагла) да багъа бергендиле.