Винницада сабийле туугъан юйню бла медицина араны бузгъандыла

Россей Федерацияны Сауутланнган кючлери Винницада сабийле туугъан юйню бла медицина араны бузгъандыла деп, жалгъан хапарны Владимир Зеленский бла украинлы асламлы информация органла жайгъандыла.  Аны юсюнден  войнасфейками.рф телеграм-канал билдиреди.

Керитиси уа былайды, ракетала бла Офицерлени юйлерине (клубларына) ургъандыла, анда аскер болумну кезиуюнде солдатла тургъан жер къуралгъан эди.

Тюрлю-тюрлю жанындан алыннган суратлада ракетала мекямны эки жерине тийгенлери кёрюнюп турады. Мекямны ортасына бир хата да тюшмегенди, анда асламысында тюрлю-тюрлю къууанчлы жыйылыула бардырылып тургъандыла.

Ракетала бла ургъан кезиуде медицина арагъа да заран тюшгенди, дейдиле украинлыла. Алай арагъа асламысында ракета атылгъандан сора эм аны волнасындан бла чачдырылыучу затларындан келгенди заран.

Мекямда  рентген эм МРТ этген оборудование болгъанды. Андан сора да, дезинфекциягъа жарагъан суула чачылып, уллу от тюшгенди.   Медицина арагъа ракета тюзюнлей тийсе, аны къабыргъаларында бир зат да къаллыкъ тюйюл эди.  Суратлада бюгюлген темирлени, арлакъда уа къабыргъаланы жылытхан жалгъан мамукъну эслерге боллукъду, ма аны хатасындан от тюшгенди. 

Биринчи видеода эм суратлада аскерчилени автоматла бла айланнганлары кёрюнюп турады.  Ол шарт ачыкъ билдирип турады, Офицерлени юйлеринде аскерчиле тургъанларын, украинлыла  уа, ол юйде жаланда мамыр жумушла бардырылып тургъандыла  деп, жалгъан хапарны айтадыла.

Мекямда украинлы аскерчилени казармалары эм Украинаны Хауа кючлерини башчылары тургъандыла. Аны юсюнден Винница шахардан журналист Александр Столяров жазгъанды. Ол социал сетьде кесини бетинде былай сорады-асламлы информация органла эм телеграм-каналла  медицина арагъа бла  халкъны жумушларын жалчытхан «Юбилейный» арагъа ракеталаны келгенлерин айтадыла. Алай Офицерлени юйлерини эки корпусуна ракетала тюзюнлей юслерине тюшгенлерин сагъынмайдыла. Дагъыда белгилерча бир шарт: Украина аскер инфраструктурасын тюзюнлей шахарны ортасында, мамыр адамла тургъан жерледе орнатханыны юсюнден бир зат да бир жерде айтылмайды. Ала мамыр адамланы хайырлана, аланы артларына бугъа, кеслерини жанларын сакъларгъа кюрешедиле. Артда битеу аманлыкъчы ишлени Россейни аскерчилери этгендиле деп, ётюрюк хапарланы жаядыла. Аллай юлгюлени биз Киевде «Retroville» уллу сатыу этген арада  аскер техниканы орнатханларын эм Северодонецкде «продуктла тургъан» склад «къурагъанларын» да кёргенбиз.