Къоркъуусузлукъну жалчытыр муратда

Быйылны 1 июлюндан башлап экскурсоводла, гидле-тилманчла, инструкторла-проводникле да ишлерин бардырыр ючюн аттестатацияны ётерге керекдиле. Аны юсюнден республиканы курортла эм туризм министри Мурат Шогенцуков Регионнга оноу этиу ара бла тюзюнлей эфирни кезиуюнде айтханды.

Аккредитацияны жетишимли ётгенле бир федерал реестрге кийирилликдиле, ол Ростуризмни сайтында басмаланырыкъды. Бу иш къоркъуусузлукъну жалчытыр, кадрланы билимлерин да ёсдюрюр муратда толтурулады. Министерствону мурдорунда энчи комиссия къураллыкъды, ол гидле-экскурсоводланы хазырлыкъларына къарарыкъды.

Аттестацияны  беш жылдан бир кере ётерге керек боллукъду. Андан тышында гидлеге идентификация карточканы да биргелерине жюрютюрге тюшерикди. Аттестациядан ётер ючюн къырал пошлинаны да тёлерге тийишлиди, ол 1300 сомду.

Инсан гидни аттестатын федерал закон кючюне киргинчи алгъан эсе, аны 2024 жылны 1 январына дери жангыртыргъа борчлуду.