Айырмалылагъа ахча саугъалаРеспубликаны Спорт министерствосу билдиргеннге кёре, бу кюнледе Нальчикде Къабарты-Малкъар университетни спорткомплексинде каратэ кёкюсинкайдан КъМР-ни тёрели онбиринчи кубогу ётгенди. Ол 10-17 жыллыкъ спортчуланы араларында бардырылгъанды. Ары КъМР-ден, КъЧР-ден, Ингушетиядан эм Шимал Осетиядан аслам спорчу къатышханды. Энчи зачётда кеслерини ауурлукъ къауумларында хорлагъанланы араларында Асанланы Бэла, Къурманланы Хажи-Мурат, Тогъузаланы Кемал да болгъандыла. Эм иги сермешлени бардыргъан беш спортчугъа ахча саугъала берилгендиле. Битеукомандлы эсепде уа биринчилени араларында «Сатори» спортклубну Насыплыланы Тахирде жарау этгенле спортчулары болгъандыла. «Азума» спортклубну адамлары экинчи жерни алгъандыла. Аланы тренери Даут Кешевди. Ючюнчю жерге уа «М-Додзё» спортклубну келечилери тийишли болгъандыла. Ала Мурат Захоховда жарау этедиле.
Поделиться:
Читать также:
26.04.2024 - 09:30 →
Эм кючлю – республикабызны къаууму
26.04.2024 - 08:15 →
Эм ариу спортда – алчы жерле
25.04.2024 - 15:30 →
Районну атындан терскъолчула эриширикдиле
25.04.2024 - 09:30 →
Гёжефлерибизде – тёрт майдал
24.04.2024 - 12:41 →
Кючлерин сынагъандыла
|