Айырмалыла республиканы атын къорууларыкъдыла

Росгвардияны КъМР-де Управлениясыны пресс-службасыны башчысы полицияны майору Марина Лукожева  «Веселые старты» битеуроссей фестивальны регион бёлюмюню жюрисини къауумуна къатышханды.

Эришиулени Жарыкъландырыу, илму эм жаш тёлюню ишлери эмда Спорт  министерствола, «Россейли школчуланы къымылдауу» жамауат организацияны бёлюмю къурагъандыла.    Ала «Нальчик» спорткомплексде бардырылгъандыла. Конкурсда 6 команда эришгендиле.   Жаш адамла спорт эстафеталада  эм къарыулуну, сынаулуну айыргъандыла.   

 Бу жол а артыкъда жетишимли  Нальчикни 14-чю школуну командасы болгъанды.  

- Быллай тюбешиуледе жаш адамланы спортну сюерге юйретедиле. Командала барысы да хорламгъа итиниулюкню кёргюзтгендиле,-деп чертгенди конкурсдан сора Марина Лукожева.

Хорлагъанлагъа эсде къаллыкъ саугъала, кубокла, дипломла берилгендиле.