«Локо Дзюдодан» - жети майдал

Бу кюнледе Махачкалада М.Р. Джафаров атлы спорт школда дзюдодан «Локо Дзюдо» деген Битеуроссей эришиуле ётгендиле. Ол 2009-2012 жыллада туугъан   жаш спортчуланы араларында ётгенди. Ары РФ-ни отуз беш субъектинден 700-ден аслам спортчула къатышхандыла.

Къабарты-Малкъар Республиканы дзюдочулары жети майдал къоллу болгъандыла.

 Биринчи жерни Мыртазланы Алий  бла Башийланы Алим алгъандыла.

Экинчи жерге Ибрагим Сруков, Ахмад Сруков, Ислам Винов, Самир Абазов, Идар Канукоев тийишли болгъандыла.

«Доммакъны» уа Улбашланы Айдана, Кантемир Канаметов, Аскер Шигалугов, Инвер Шишхов, Инал Джафаров, Астемир Киржинов, Амирхан Гаданов  алгъандыла. 

Финалистле кубокла,  майдалла, грамотала эм багъалы саугъала бла саугъаланнгандыла.

Бу эришиуле кезиулюдюле, ётген этап ючюнчюдю. Тёртюнчю этап Астрахань шахарда ётерикди. Битеу бирге ала тогъуз этапха юлешинирикдиле, оналты гёжеф а кеслерини ауурлукъ категорияларында финалда Москва шахарда тутушурукъдула.