Эски юйледен болжалындан алгъа кёчюредиле

Къабарты-Малкъарда адамланы эски юйледен кёчюрюу программа болжалындан алгъа тамам этилгенди. Республиканы Правительствосуну Председатели Мусукланы Алий айтханнга кёре, ол 2023 жылгъа дери бардырыллыкъ эди. Алай бюгюнлюкге аны чеклеринде этиллик ишлени бары да эбине жетдирилгендиле.

Саулай айтханда, 62 эски юйде жашагъанла кёчюрюлгендиле жангы журтлагъа. Ол бары да 1034 адам болады. Энди уа жангы программа жарашдырылгъанды. Анга 2017 жылдан башлап 2020 жылны ахырына дери тозурагъаннга саналгъан жашау журтла киргендиле. Анда айтылгъаннга кёре 15 юйде жашагъан 1861 адам жангы жашау журтла къоллу болургъа керекдиле. Шёндю бу программаны федерал арада сюзюуге жибергендиле.