Казбек Коковну Кърым Россейге къошулгъанлы 8-жыллыгъы бла алгъышлауу

«Хурметли шуёхларым!

 Къыралыбыз Кърым Россейге къошулгъанлы 8 жыл толгъанын белгилейди. Ол керти окъуна бизни кёп миллетли къыралыбызгъа уллу магъананы тутхан ишди. Кеси да Кърым Республикада бла Севастопольда жашагъанланы къадарларын тамыры бла тюрлендиргенди. Ол регионланы башчылары Сергей Аксеновну бла Михаил Развожаевни, Кърымны жамауатын эмда къыралыбызны халкъын ол къадар магъаналы байрам кюн бла алгъышлайма.
 Бюгюнлюкде жарым айырыкамда социал-экономика, маданият жаны бла да айныргъа битеу онгла къуралгъандыла, аны экономика онгларын кючлендириу, социал, транспорт, инженер, туризм инфраструктураны игилендириу, адамланы жашау къолайлыкъларын бла ырахатлыкъларын кётюрюу жаны бла бир да болмагъанча уллу къырал программала толтурула турадыла. Бек башы – Кърымда жашагъанла кесир заманларын, сабийлерини келир заманларын мамырлыкъда къураргъа онг тапхандыла.
 Жарсыугъа, Донбассны халкъыны юсюнден алай айтырча тюйюлдю. Ол  8 жыл мындан алгъа Кърым бла бирге къол кётюрген эди  Донец эм Луганск халкъ республикала къуралыр жанлы болуп. Алай ол жылланы ичинде эки республика да къуршоугъа алынып тургъандыла, алада жашагъанла уа Украинаны шёндюгю низамыны зорлугъун толусунлай сынагъандыла. Кеси жерлеринде жашагъа, ёз тиллеринде сёлеширге итиннгенлери, кеслерини адет-тёрелерин сюйгенлери ючюн къырылып тургъандыла.
 Дондассда халны мамыр жол бла игилендирир ючюн Россей къолундан келгенни аямагъанды. Алай мамыр адамланы, ол санда сабийлени, тиширыуланы, къартланы,  ёлтюрюу, алагъа азап чекдириу бир кюннге да тохтатылмагъанды.  Аны къой, арт кезиудже Укаина Донбассда уллу аскер операцияны бардырыргъа хазырлана тура эди.  Алай болса, халкъ республикалада бла Россей Федерацияны аланы чеклерине жууукъ регионлада жашагъанла бла не боллугъун  акъылыбызгъа келтирирге окъуна къыйынды.

 Битеу бу къаугъаланы АБШ бла НАТО къозгъагъанлары туура болгъанды. Ала Украинаны асккер агрессияларында хайырланыргъа умут этгендиле, алай бла бизни къыралны ырахатлыгъына къоркъуу салып.  Жаланда Россейни, адамларыбызны къоруулар, Донбассны халкъын унукъдурууну тохтатыр мурат бла этерге тюшгенди Россейни Президенти Владимир Владимирович Путиннге Украинада энчи аскер операцияны  юсюнден оноуну. Аны сауутладан бла нацистледен тазаламай боллукъ тюйюл эди. Биз Россейни Сауутланнган кючлерини аланы боюнларына салыннган борчланы толтуруу жаны бла мадарларын толусунлай дурус кёребиз.
 Бизни аскерибиз бюгюнлюкде къуру Донбассда жашагъанланы угъай, Украинаны битеу мамыр халкъын къоруулауды. Украинаны шёндюгю башчыларыны террорлукъ машиналары толусунлай гунч этиллигине ишексизме», - деп жазгъанды Казбек Коков кесини телеграм-каналында.