Тиширыуланы халкъла аралы кюню бла

АЛГЪЫШЛАУУ

Къабарты-Малкъарны багъалы тиширыулары!

Сизни Тиширыуланы халкъла аралы кюню бла алгъышлайма! Бу кюн биз тиширыу-анагъа, юй бийчеге, юйюр от жагъаны сакълагъанлагъа уллу хурметибизни, ыразылыгъыбызны энтта бир кере билдирирге излейбиз. Сизни хайырыгъыздан биз къарыулуракъ болабыз, жангы жетишимлеге учунабыз.

Сизни билеклигигиз, жюрек жылыулугъугъуз, сабийлеге къайгъыргъаныгъыз, жылыулу эм ырахат болумланы къурай билген хунеригиз – ала барысы да бек уллу махтаугъа тийишлидиле. Аны бла бирге башха-башха жумушлада да бийикликлеге жеталасыз. Тюрлю-тюрлю ызлада сизни жетишимлеригиз бла ёхтемленебиз, ол санда маданиятда, илмуда, спортда, устазлыкъ ишде, жамауат жумушлада.

Энчи ыразылыгъымы медик тиширыуларыбызгъа айтыргъа излейме.  Пандемияны къыйын болумларында сиз жюрек халаллыгъыгъызны эм профессионаллыгъыгъызны кёргюзтгенсиз, адамланы жашауларын сакълау жаны бла огъурлу жумушну тийишлисича тындырасыз.

Багъалы тиширыула! Битеу жюрегимден сизге саулукъ-эсенлик эмда, сёзсюз, тиширыу насып тежейме.