Сабан ишлеге кёз-къулакъ болур умутда

Кезиулю сабан ишлеге кёз-къулакъ болур умутда Къабарты-Малкъарда тийишли оператив штаб къуралгъанды. Аны къауумуна муниципалитетледе АПК управленияланы, федерал органланы регионда бёлюмлерини, илму эмда финанс учрежденияланы, жамауатны келечилери киргендиле, башчылыгъ а эл мюлк министр Хасан Сижажев этеди.

Ол айтханнга кёре, урлукъ себиллик жерлени ёлчеми тохташдырылгъанды, кеси да озгъан жыл бла тенглешдиргенде, тюрленмей ол чекде къалгъанды – 281,2 минг гектар. «Къалайда не зат ёсдюрюллюгюню юсюнден айтханда уа, техника битимле бла картоф аз-маз кёбюрек жерлени аллыкъдыла. Мирзеулюк битимле бла тахта кёгетле уа алгъынча аллай бир ёсдюрюллюкдюле», - дегенди министр.