Арада байламлыкъны кючлей

Кёп болмай  Къабарты-Малкъар къырал университетни келечилери, усталыкъ сайлау эм иш бла жалчытыу  управленияны таматсы Ратмир Коцев,  экономика эм финансла кафедрасыны  доцентлери Залина Гергова  бла Лорина Асланова  Россейни Банкыны  республикада  бёлюмю бардыргъан «тёгерек столгъа» къатышхандыла.

 Ратмир Коцев айтханнга кёре, былтыр КъМКъУ-ет  Россейни Банкыны  республикада  бёлюмю  байламлыкъда ишлерча келишим этгенди. Анга били бериу эм социал-экономика проектле да киредиле.

Банкны экономика бёлюмюню таматасы Чеченланы Вячеслав университетни келечилерине ала финансла жаны бла жамаутны билими  ёсдюрюрча  иш бардыргъанларын, ол санда школлагъа, вузлагъа прогрммала хазырлагъанларын эм башха жумушла бла кюрешгенлерин айтханды.   

 Ратмир Коцев да университет  «Приоритет 2030» программагъа къатышханын, анга жюз айырмалы вуз киргенлерин билдиргенди. Ол шарт а университет ишин жетишимли бардырыргъанын ачыкхлайды.  Жаш адамла бийик билим алгъанлары бла бирге,  ахшы специалистлеге саналадыла,  ол санда экономика жаны бла.   Аланы   иш бла жалтыугъа да аслам   эс бурулады.  Студентле бла предприятияланы арасы ачыкъ болурча  «Факультетус» платформа ишлейди.  Бу жаны Миллет банк да  къошумчулукъ   этерчады. 

Залина Гергова уа студентлени сынамларын ёсдюрюрча соруугъа эс бургъанды.  Сёз ючюн,  бир тюрлю проетге къатышып  кеслерин кёргюзтюрча.   Ол оюмгъа банкны келечиси да бюсюрегенди эм бу жаны бла себеплик этерге илму-излем жан бла проектлени берирге айтханды.   

«Тёгерек столну»  ахырында  бу жолгъу тюбешиу биринчи болгъанлыкъгъа  мындан арысында тюрлю-тюрдю  жыйылыуланы  терк-терк бардырыргъа  келишгендиле.

Аны чеклеринде  быйыл тёртюнчю мартда КъМКъУ-де  школчулагъа финансладан  олимпиада боллукъду. Анда хорлагъанлагъа университетге кире турурп  беш, призёргъа уа юч балл къошуллукъду.