Чемпион къызыбыз жолда жорукъланы сакъларгъа чакъырады

Токиода Олимпиада оюнланы чемпиону Мария Ласицкене жолда жюрюуню жорукъларын сакъларгъа чакъырады. Белгили спортчуну суратын полициячыла адамла аслам жыйылгъан жерледе  жабышдырадыла, жолда жюрюуге къатышханлагъа саугъалайдыла.

Бу иш «Жолда сабийле» битеуреспубликалы декаданы «Мария Ласицкенеден жолда къоркъуусузлукъну юсюнден чакъырыулары» деген акцияны чеклеринде бардырылады, деп билдиргендиле бизге УГИБДД-ны пресс-службасындан.

Чемпион къыз республиканы халкъын жолда сакъ болургъа, сабийлени жорукълагъа юйретирге, саулукълу жашауну бардырыргъа чакъыргъанды. Мария къол салгъан суратланы халкъны асламына юлешир мурат бла полицияны участка уполномоченныйлери, ГИБДД-ны инспекторлары, акъылбалыкъ болмагъанланы ишлери жаны бла полициячыла аланы сатыу-алыу аралагъа келгенлеге, сабийле ойнагъан майданлада ата-аналагъа юлешгендиле.  

Суратлада уа Мария Ласицкене «Жолдан эркин этилген жерде ёт», «Машинада сабий – къоркъуусуз шинтикде»,  «Сени юлгюнг – барысындан да ахшы» деген чакъырыула этгенди.