Тогъуз элде жолланы жангыртырыкъдыла

Быйыл Къабарты-Малкъарда тогъуз элде транспорт инфраструктура игилендирилликди. Тынгылы ремонт ишле Эл мюлк министерство бардыргъан  «Комплекс халда эл жерлени айнытыу» къырал программагъа кёре,  тамамланырыкъдыла. Аны юсюнден бизге профильли ведомствону пресс-службасындан билдиргендиле.

Проектге кёре 16,77 километр чакълы бирде он автомобиль жол тапландырыллыкъды. Тийишли жумушла Лескен районну эки элинде бла Чегем районну юч элинде тамамланырыкъдыла. Аны бла бирге Май, Терк, Черек эм Элбрус муниципалитетледе да  биришер элде бардырыллыкъдыла.
Саулай ишлеге 437,4 миллион сом къоратыллыкъды. Андан 430,7 миллион сом   федерал бюджетден  бёлюнюрюкдю. Ол санда республика да кесинден   4,4 миллион сом къошарыкъды.