Жаш спортчуларыбызда – 31 майдал

    Майкоп шахарда тхэквондону ВТФ тюрлюсюнден Адыгеяны къыраллыгъыны 100-жыллыгъына аталып республиканы «Adygeeya Open» деген биринчилиги бардырылгъанды.

  Анга Къабарты-Малкъардан спортчула да къатышхандыла, ала битеу да 31 майдал къытхандыла: 11 алтын, 10 кюмюш эмда 10 доммакъ. Спортчуларыбыз битеу ауурлукъ къауумлада тутушмагъанлыкъгъа, битеукоманда эсепде ючюнчю жерге чыкъгъандыла. Биринчи жерни - Краснодар край, экинчини уа адыгеячыла кеслери алгъандыла.

  Алай бла бизни республикадан алчы жерлеге Хаджиланы Азалия, Валерий Степанов, Тебердиланы Тамерлан, Эмилия Канукоева, Умар Хежев, Ануар Батыров, Ислам Озроков, Зумакъулланы Дамира, Идрис Ивазов эм башхала чыкъгъандыла.