Тюз жашау этерге сюйгенлеге эшикле ачыкъдыла

12 ноября, 2021 - 16:49

ФСИН-ни Къабарты-Малкъарда Управлениясында православие иконала ишлеу жаны бла конкурсну эсеплерин чыгъаргъандыла. Эришиуле тутмакълада олтургъанланы араларында бардырылгъан эдиле, деп билдиргендиле ведомствону пресс-службасындан.

Конкурсха беш иш кёргюзтюлгенди. Комиссияны келечилери аланы хар бирине да тынгылы къарагъандыла, къалай этилгенлерин, тематикагъа келишгенлерин, аланы ишлегенле тийишли жорукъланы билгенлерин сюзгендиле, хар нени да ойлагъандан сора хорлагъанланы туура этгендиле.

Алай бла биринчи жерге 3-чю номерли колонияда олтургъан Станислав Кириленко ишлеген «Икона Владимирской Божьей Матери» тийишли болгъанды. Аны ФСИН-ни «Канон» деген Битеуроссей конкурсуна жиберликдиле.

Управленияда айтханларыча, быллай конкурсланы хайырындан, тюрмеледе олтургъанланы дин сезимлерин туура этерге, чыгъармачылыкъ ишлеге къатышыргъа онглары болады. Ол а адамны ич дуниясын айнытыргъа себеплик этеди.

Омарланы Мурат хазырлагъаны.
  • 12 просмотров
Поделиться: