Жай солуу лагерьле - Роспотребнадзорну кёз аллындаРоспотребнадзор сабийлени эмда акъылбалыкъ болмагъанланы окъутуу эмда юйретиу халлагъа дайым кёз-къулакъ болгъанлай турады, деп билдиредиле ведомствону Къабарты-Малкъарда Управлениясындан. Бёлюмню специалистлери былтыр 798 контроль-надзор жумуш тамамлагъандыла. Ол санда планнга кёре – 404 ишни, къалгъанын а андан тышында. Аны бла бирге прокуратураны, КъМР-ни Жарыкъландырыу, илму эмда жаш тёлюню ишлери жаны бла министерствосуну келечилери бла бирге да къатыша тургъандыла быллай ишлеге. Аланы чеклеринде ичер суудан 1690 проба алыннганды. Ала лабораторияда санитар-химия эмда микробактерия жаны бла тинтилгенден сора 0,8 проценти белгиленнген мардалагъа келишмегени тохташдырылгъанды. Специалистле дагъыда ашарыкъладан бла хазыр азыкъладан 948 пробаны тинтгендиле. Аладан да 4,6 проценти тапсыз болгъаннга саналгъандыла. С-витамин а ашланы барында да мардасы бла болгъаны белгиленнгенди. Дагъыда сабийле тургъан жерледе хауаны къурамы, отоула къалай жарытылгъанлары, мебель аланы жыл санларына бла ёсюмлерине келишгени бла къалгъаны тинтилгенди. Роспотребнадзорну интернет-сайтында айтылгъаныча, былтыр жылы аш бла орта школлада окъугъан 74738 сабий жалчытыннганды. Ол а битеу окъуучуланы 84 процентни тутады. Санитар-эпидемиология излемлеге бузукълукъла ючюн 764 бегим жазылгъанды, кёп къалмай юч миллион сомгъа тазир салыннганды. Быллай жерледе бир жолгъа аслам адам ауругъан эмда ашдан бла башха затладан ууланнган, сора губу къапхан бир шарт да болмагъанды. Солугъан сабийлени 93,8 процентини саулукълары иги да кючленнгенди, къалгъанларында уа ол артыкъ тюрленмегенди, дейдиле Роспотребнадзорну специалистлери. Саулай алып айтханда, саулукъландырыу лагерьледе былтыр жюз контроль-надзор жумуш этилгенди. Санитар мардалагъа эмда норматив актланы излемлерине бузукълукъла ючюн административ жууапха тартыргъа 127 бегим жазылгъанды эмда 928 минг сомгъа тазир салыннганды. Ведомствода аллай жерледе сабийлени эмда акъылбалыкъ болмагъанланы окъутуу эмда юйретиу жаны бла болумну мындан арысында да къаты контрольда тутаргъа айтадыла.
Поделиться:
Читать также:
25.04.2024 - 17:45 →
«Тизгинсизликди аланы жайылыуларыны баш сылтауу»
25.04.2024 - 12:00 →
Байыкъланыр мурат бла
25.04.2024 - 09:01 →
Огъурлу сёз нёгеригизден айрылмагъыз
25.04.2024 - 09:00 →
Сейир адамла бла тюбешиулени эсгере
24.04.2024 - 16:25 →
Сейир адамла бла тюбешиулени эсгере
|