КъМР-ни Башчысы ставропольчуланы байрамлары бла алгъышлагъандыКъМР-ни Башчысы Казбек Коков ставропольчуланы Ставрополь крайны Кюню бла алгъышлагъанды, ол жыл сайын сентябрь айны ахыр шабат кюнюнде белгилениучюдю. «Губернаторну Владимир Владимирович Владимировну Ставрополь крайны Кюню бла таза жюрекден алгъышлайма, - деп жазгъанды Къабарты-Малкъарны Башчысы Инстаграмны кесини энчи бетинде. «Бу байрам Ставрополь крайны къуру озгъан жолун кёргюзтмейди, шёндюгюлю жашаууну да кезиуюдю. Аламат табийгъат - хауа болумлары, кючлю экономикасы, маданият эм илму мурдору болгъан, Ставрополь край айныуну жолу бла алгъа барады, къайсы бёлюмде да жетишимле болдурады, кёп кёрюмдюлери бла къыралда алчыланы санындады». «Сёзсюз, ол жетишимлени туугъан жерлерин сюйген адамларыгъыз болдурадыла, битеу кючлерин, билимлерин эм хунерлерин толусунлай ол жерни айныууна бергенле», - деп белгилегенди Казбек Коков. Ол артыкъда бек бу затланы чертгенди: «Биз, эки регионну араларында тохташдырылгъан кертиси бла да къарындаш шуёх халланы, мындан арысында да айнытырыкъбыз эм кючлерикбиз». Къабарты-Малкъарны Башчысы Ставрополь крайда бла Къабарты-Малкъарда жашагъанлагъа саулукъ, огъурлулукъ эм монглукъ тежегенди. Бизни корр.
Поделиться:
Читать также:
16.05.2024 - 11:12 →
Жангы миллет проектлени мурдору салыннганды
13.05.2024 - 11:41 →
Казбек Коков Россейни Жигити Тимур Тамазовха эсгертме ачылыууна къатышханды
08.05.2024 - 14:00 →
Къырал Башчы салгъан борчла толтуруллукъдула
07.05.2024 - 16:51 →
Къыйын болумладан сакъланыуну мадарларын сюзгендиле
02.05.2024 - 09:15 →
Спортну байрамы андан ары бардырыллыкъды
|